Mer sind 3 langjährigi Fründe und händ a de Badefahrt 2007 welle mitmache. Amene laue Sommerobig bim Bier (chönnted au meh als eis gsi si) simmer uf die glorriichi Idee cho:
Mer mached en Raclette Stand !
Obwohl doch einigi Lüüt gmeint händ, dass mer Raclette nur im Winter chan ässe, händ mer s‘Gägeteil bewiese und händ chönne erfolgriich euise Chäs under d‘Lüüt bringe. Vielne Gäst hett glaub au euises dumme Gschnorr am Stand gfalle, was eigentlich bis hüt es Markezeiche vo euis blibe isch.
So isch fertigluschtig.com entstande und mer händ sit de Badefahrt scho a vielne Aläss chönne go Raclettiere.
Mer sind en offizielle Verein, händ euisi Statute und sind vor allem eis: es verschwornigs 3er Team und "Best Friends".

Im Detail sind mer:

 

PostHeaderIcon Necki

neckiBackground:Siit Johre im Reinigungsbusiness tätig
Hobbies:Div. Bands, min Whirlpool, Musik, Gugge, PS3, Pokere, Kubb, Choche
Lieblingsdrink:Havanna Club Cola (7 jöhrige selbstverständlich)
Lieblingssound:Funk, Rock und mängisch au chli Härters
Lieblingsspruch:Senseischen...!
 

PostHeaderIcon Sömmi

soemmi Background: Bürogummi
 Hobbies: Mini Chind, PS3, Musik, Kubb, Gugge, Chille, Pokere, Choche, Läse
 Lieblingsdrink: Vo Gin Tonic uf Jack Cola gwächslet
 Lieblingssound: Heavy Metal und susch so härts Züüg wo em Necki und Glenn ned gfallt
 Lieblingsspruch: Nööchscht...!
 

PostHeaderIcon Glenn

glenn Background: Gastro Erfahrig mit Wirtepatent, zur Ziit Projektleiter
 Hobbies: Musik, Choche, Chille, a de Bar schaffe, Pokere, Kubb
 Lieblingsdrink: Jack Cola, definitiv !
 Lieblingssound: Rock, Hardrock und chli BumBum Sound (House)
 Lieblingsspruch: Schickä...!
 
 

Webauftritt von WebTheNet